TƏBİB-in İcraçı direktorunun müavini Araz Nəsirov,  Bakı Baş Səhiyyə Mərkəzinin direktoru Elçin Əmirov, Milli Məclisin deputatı Soltan Məmmədov Xəzər rayonunda yerləşən Zirə Müalicə Diaqnostika Mərkəzində və Suraxanı rayonunun Türkan qəsəbəsində yerləşən 17 nömrəli Şəhər Poliklinikasında mövcud şəraitlə tanış olublar.

 

Aztibb.az TƏBİB-ə istinalda xəbər verir ki, nümayəndələrə hər iki tibb müəssisəsində son illərdə aparılan işlər, həyata keçirilən yeniliklər, tibbi heyətin əmək şəraitinin, texniki təchizatın, tibbi avadanlıqların vəziyyətləri və s. barədə məlumatlar verilib.

 

İcraçı direktorun müavini Araz Nəsirov tibb müəssisələrində görüləcək işlər və qarşıda duran vəzifələri diqqətə çatdırıb. Bildirib ki, tibb müəssisəsinin əməkdaşlarını narahat edən məsələlər, yerli sakinlərə göstərilən tibbi xidmətlərin səviyyəsinin məmnunluq dərəcəsinin artırılması istiqamətində işlər davam edəcək.

 

Bakı Baş Səhiyyə Mərkəzinin direktoru Elçin Əmirov Zirə Müalicə Diaqnostika Mərkəzində istilik sisteminin qurulması, şəkərli diabet xəstələrinin dərman və dərman vasitələrilə təminatı məsələlərinin qısa müddətdə həll ediləcəyini qeyd edib.