Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) 2022-ci ilin yekunlarına dair illik hesabatını təqdim edib.
Aztibb.az İSİM-ə istinadla xəbər verir ki, hesabatda İSİM-in fəaliyyəti, təşkil olunan tədbir və təlimlər, aparılan sorğu və tədqiqatlar, istifadəyə verilən innovativ vasitələr, bir sözlə Mərkəz tərəfindən ötən il görülən işlər barədə məlumatlar öz əksini tapıb.
Hesabat ilində İSİM tərəfindən 150-dən çox tədbir, təlim, aksiya, konfrans keçirilib, Bakı şəhəri üzrə 42, eyni zamanda 5 rayon üzrə 25 kənddə COVID-19 məntəqələri monitorinq edilib, isim.az rəsmi internet səhifəsində 94 xəbər paylaşılıb, İSİM-in ictimai səhiyyə mütəxəssislərinin televiziya kanalları, saytlar və radiolara 100-dən çox müsahibəsi təşkil edilib, 55 maarifləndirici çap materialı hazırlanaraq çap olunub, əhalinin tibbi maarifləndirilməsi məqsədi ilə İSİM-in Facebook səhifəsində “Zoom” platforması üzərindən 6 canlı yayım təşkil edilib, sağlam həyat tərzinin təbliği, erkən nikahın fəsadları, yeniyetmələrdə reproduktiv sağlamlıq, mobil telefon, kompüter asılılığı və s. mövzularla bağlı 15 maarifləndirici qısa video-çarx hazırlanaraq sosial səhifələrə yerləşdirilib.
Hesabatın tam mətni ilə isim.az saytında tanış olmaq mümkündür: