Aztibb.az-ın “Həkimlərimizi tanıyaq!” rubrikasında Sizlərə Gəncə Şəhər Birləşmiş Xəstəxanasının tabeliyindəki Akademik Z. Məmmədov adına xəstəxananın rəhbəri Azad Quliyevi təqdim edirik.
Azad Quliyev 22 sentyabr 1959-cu ildə Gəncə şəhərində anadan olub. 1976-1982-ci illərdə Azərbaycan Tibb Universitetində Müalicə-profilaktika fakültəsində ali təhsil alıb. 1982-1983-cü illərdə Bakı şəhər 2 saylı Klinik xəstəxanasında internatura kursu keçib.
O, 1983-1992-ci illərdə Gəncə şəhər Təcili tibbi Yardım xəstəxanasında həkim-cərrah kimi çalışıb. 1992-1995-ci illərdə Elmi-Tədqiqat Cərrahiyyə İnstitutunda cərrahiyyə ixtisası üzrə aspirantura təhsili alıb və dissertasiya işini uğurla müdafiə edib. 1995-2006-cı illərdə Gəncə şəhər Z.Məmmədov adına Təcili Tibbi Yardım Xəstəxanasında II Cərrahiyyə şöbəsində şöbə müdiri, 2006-2019-cu illərdə həmin xəstəxananın baş həkimi, 2019-2020-ci illərdə isə Abbas Səhhət adına xəstəxanada baş həkim vəzifələrində çalışıb.
Bir neçə gün öncə TƏBİB-in İcraçı direktoru Vüqar Qurbanovun müvafiq əmri ilə Akademik Z.Məmmədov adına xəstəxananın rəhbəri vəzifəsini icra etmək tibb üzrə fəlsəfə doktoru Azad Quliyevə həvalə olunub.
_191.jpg "İnfarktdan sonra ürəyi zədələnmələrdən qorumağın yolu tapılıb")
