Azərbaycan Respublikasının Prezidenti yanında Ali Attestasiya Komissiyasının qərarı ilə Elm və Təhsil Nazirliyinin Genetik Ehtiyatlar İnstitutunun İmmunogenetika şöbəsinin müdiri, b.ü.f.d. Hacıyev Elçin Saday oğluna “2409.01 -Genetika” ixtisası üzrə dosent elmi adı verilib.

Aztibb.az-ın xəbərinə görə, Elçin Hacıyev 2017-ci ildə professorlar Ramiz Əliyev və Ram Şarmanın elmi rəhbərliyi ilə “Bərk (T.durum Desf.) və yumşaq (T.aestivum L.) buğda genotiplərinin terminal istiliyə davamlılığının və genetik müxtəlifliyinin tədqiqi” mövzusunda dissertasiya işini uğurla müdafiə edərək biologiya üzrə fəlsəfə doktoru elmi dərəcəsini alıb.

Alimin 30-a yaxın elmi məqaləsi Web of Science və SCOPUS bazalarında indeksləşən impakt faktorlu jurnallarda yayımlanıb və beynəlxalq elmi əsərlərinə 100-ə yaxın istinad edilib.

Dosent Elçin Hacıyev hazırda Genetik Ehtiyatlar İnstitutunda elmlər doktoru hazırlığı üzrə doktoranturada təhsilini davam etdirir.