Limfodrenaj metabolik prosesləri yaxşılaşdırmağa, ödemi, gərginliyi aradan qaldırmağa, limfanın bədəndə sərbəst hərəkətini normaya salmağa və limfa mayesinin dövranını bərpa etməyə yönəlmiş bir terapevtik prosedurdur. Limfodrenaj proseduru - limfa axınının normallaşdırılması və gücləndirilməsi üçün nəzərdə tutulmuşdur. Bu prosedur bədənin müxtəlif hissələrini təzyiq altında sıxıb açan hava dalğasıdır. Onun köməyi ilə limfatik və venoz qan dövranını gücləndirmək, əzələləri canlandırmaq, yığılmış toksinləri, yağların parçalanma məhsullarını aradan qaldırmaq, durğun mayeni orqanizmdən uzaqlaşdırmaq mümkündür.

 

Limfodrenaj, həmçinin, bədənin gözəl formada saxlanması məqsədilə kosmetik müalicə proseduru kimi də tətbiq edilir. 

 

Həkim bildirib ki, limfodrenaj proseduru başqa fizioterapevtik prosedurlarla: kinezioteyp, kompressiya terapiyası və s. prosedurlarla кompleks şəkildə tətbiq edildikdə daha yaxşı nəticə verir.

 

Əks göstərişlərə gəldikdə isə, limfodrenaj proseduru hamiləlik dövründə, dəri xəstəliklərində, onkoloji xəstəliklərdə, ürək-damar sistemi xəstəliklərində, tromboz zamanı və hormonal pozuntuları olan xəstələrə məsləhət deyil.