Səfərdə TƏBİB-in sözügedən proqramların tabeli tibb müəssisələrində tətbiqi ilə məşğul olan Yoluxucu xəstəliklər və infeksion nəzarətin təşkili şöbəsinin və Beynəlxalq təşkilatlarla iş şöbəsinin əməkdaşları iştirak ediblər.

 

Tur zamanı İsveçin Stokholm şəhərində yerləşən İctimai Səhiyyə Agentliyi və ÜST-nin Əməkdaşlıq Mərkəzi ziyarət olunub, qurumlararası tanışlıqdan sonra İPİN və AMR-ə qarşı mübarizənin təşkili ilə bağlı təcrübə mübadiləsi aparılıb. Həmçinin aidiyyəti üzrə Azərbaycan və İsveç təcrübəsi barədə məlumatlar verilib, Azərbaycanda bu işlərin təkmilləşdirilməsinə dəstək olmaq məqsədilə müzakirələr baş tutub.

 

Bundan başqa, qrup üzvləri İPİN və AMR ilə mübarizəyə cavabdeh olan qurumlara, o cümlədən ÜST-nin Əməkdaşlıq Mərkəzi, İsveçin Karolinska İnstitutunun Neonatal Mərkəzi, Klinik Mikrobiologiya, Diaqnostika Mərkəzi və digər müəssisələrə baş çəkib, müxtəlif şöbələrə yerində baxış keçiriblər.

 

Səfər çərçivəsində ÜST-nin Regional Ofisi tərəfindən icra olunan İPİN və AMR proqramları ilə tanış olmaq məqsədilə Təşkilatın Danimarkanın Kopenhagen şəhərində yerləşən regional ofisində də görüşlər baş tutub.