Nizami Tibb Mərkəzinin nəzdində olan Azərsutikinti xəstəxanasının Hemodializ şöbəsinin fəaliyyətə başlamasından 14 il ötür.

Bu barədə Aztibb.az-a Mərkəzdən məlumat verilib.

Bildirilib ki, tibb müəssisəsinin Hemodializ şöbəsi 47 dializ aparatı ilə təchiz olunub və gün ərzində 100-dən çox xəstəyə müvafiq tibbi xidmət göstərilir.

Qeyd edək ki, hemodializ xroniki və kəskin böyrək çatışmazlığı olan xəstələrdə böyrəklərin fəaliyyətinin pozulması nəticəsində bədəndə toplanan zərərli maddələrin və mayenin xaric edilməsi üsuludur. Hemodializ böyrək köçürülməsi planlanan xəstələrdə əməliyyata qədər alternativ çıxış yoludur.