Məlum olduğu kimi, Günəş səthində baş vermiş alışmalar hesabına yaranan Tac Kütlə Atılmasının (Coronal Mass Ejection – CME) Yerə çatacağı və onun təsirindən yaxın 3 gündə maqnit qasırğasının olacağı planlaşdırılır.

Aztibb.az xəbər verir ki, geomaqnit qasırğalarının orqanizmə bir çox mənfi təsirləri ola bilər. 

Atmosfer təzyiqində baş verən dəyişikliklər artıq çəkili, ürək-damar problemlərindən əziyyət çəkənlər, infarkt keçirmiş şəxslər üçün daha çox narahatlıq yaradır.

Maqnit qasırğasının təsirləri əsasən meteohəssas insanlarda təzyiqin birdən-birə dəyişməsi ilə qeydə alınır. Bu müddətdə tamamilə sağlam insanlarda belə, qan təzyiqinin yüksəlməsi halları olur.

Həmçinin geomaqnit qasırğası nevroloji xəstəliklər içərisində əsasən insult riskini artırır.

Mütəxəssislər maqnit qasırğası olan günlərdə bayıra çıxmamağı,gün ərzində 2 litrədək maye qəbul etməyi tövsiyə edirlər.