2 nömrəli Bakı Baza Tibb Kollecinin tələbələri Fransız-Azərbaycan Universitetində Xocalı soyqırımının 31-ci ildönümü ilə əlaqədar “Xocalı soyqırımı – gənclərin və gənclər təşkilatlarının faciənin tanıdılmasında rolu” mövzusunda keçirilən konfransda iştirak ediblər.

 

Aztibb.az Kollecə istinadla xəbər verir ki, tədbir Xocalı qurbanlarının əziz xatirəsinin bir dəqiqəlik sükutla yad edilməsi ilə başlayıb.

 

Fransız-Azərbaycan Universitetinin icraçı direktoru Vazeh Əsgərov konfransın əhəmiyyəti haqqında çıxış edərək, tədbiri yüksək qiymətləndirdiyini vurğulayıb.

 

Konfransda “Xocalıya ədalət!” beynəlxalq kampaniyası, “Xocalı həqiqətləri”, “Xocalı faciəsinin tarixi kökləri” kimi mövzular ətraflı müzakirə olunub.