Binəqədi Tibb Mərkəzində Xocalı soyqırımının 31-ci ildönümünə həsr olunmuş anım tədbiri keçirilib

Mərkəzdən Aztibb.az-a bildirilib ki, tədbirdə ilk olaraq Xocalı soyqırımında həyatını itirmiş vətəndaşlarımızın əziz xatirəsi bir dəqiqəlik sükutla yad edilib.

Tədbiri giriş nitqi ilə açan Binəqədi Tibb Mərkəzinin direktoru Əsədulla Sultanov 1992-ci ilin fevralın 25-dən 26-na keçən gecə Ermənistan silahlı qüvvələrinin bütün beynəlxalq hüquq prinsiplərini pozaraq insanlıq əleyhinə misli görünməmiş faciə törətdiyini bildirib.

Direktor erməni şovinizminin xalqımıza qarşı törətdikləri vəhşilikləri tarix boyunca təkrarladığını, Xocalıda törədilən soyqırımın ermənilərin xalqımıza qarşı apardığı etnik düşmənçiliyin bariz nümunəsi olduğunu qeyd edib.

Binəqədi Tibb Mərkəzinin baş tibb bacısı Nərgiz Bağırova soyqırımı qurbanlarının xatirəsinin xalqımızın qəlbində daim yaşayacağını vurğulayıb.

Mərkəzin reanimatoloqu Ramiz Vəliyev Vətən müharibəsində qəhrəmanlarımızın sayəsində torpaqlarımızın işğaldan azad edilməsi ilə xalqımıza qarşı törədilən vəhşiliklərin qisasının alındığını bildirib.