Bakı Sağlamlıq Mərkəzimizdə Xocalı soyqırımının 31-ci ildönümü ilə əlaqədar tədbir keçirilib.
Bu barədə Mərkəzdən Aztibb.az-a məlumat verilib.
Əvvəlcə faciə qurbanlarının və Azərbaycanın ərazi bütövlüyü uğrunda canlarından keçən şəhidlərin əziz xatirəsi bir dəqiqəlik sükutla yad edilib.
Giriş nitqi ilə çıxış edən Bakı Sağlamlıq Mərkəzinin icraçı direktoru Asiman Həsənov və Azərbaycan Respublikasının Prezidenti yanında Dövlət İdarəçilik Akademiyasının Tarix kafedrasının professoru Həvva Məmmədova ermənilərin Xocalıda azərbaycanlılara qarşı törətdiyi soyqırımın dəhşətlərindən bəhs ediblər.
Bildirilib ki, Xocalı soyqırımına siyasi qiymətin verilməsi Ulu Öndər Heydər Əliyevin adı ilə bağlıdır. Ümummilli Liderimiz Heydər Əliyevin söylədiyi kimi: Xocalı faciəsi - insanlığa qarşı cinayət, Azərbaycana qarşı edilən soyqırımdır, vəhşiliyin görünməmiş təzahürüdür.
Sonda Xocalı soyqırımını əks etdirən videoçarx nümayiş etdirilib.