22 fevral – Ümumdünya Ensefalit Günüdür. Həmin gün 2013-cü ildə ensefalit xəstəliyinin ölümcül təhlükəsi barədə əhalini maarifləndirmək və mümkün qədər yeni halların qarşısını almaq məqsədilə Ensefalit Cəmiyyətinin təşəbbüsü ilə təsis edilib.

Aztibb.az xəbər verir ki, ensefalit – beyin maddəsinin iltihabıdır. “Ensefalit” termini altında baş beynin infeksion, allergik, infeksion-allergik və toksiki  zədələnməsi nəzərdə tutulur.

Ensefalitin simptomları  törədicisinə, patoloji  prosesin lokalizasiyasına, xəstəliyin gedişatına görə bir-birindən fərqlənir. Bu xəstəlik düşünülən qədər bilinmir və bəzən meningitlə qarışdırılır.