Ateroskleroz beyin qan dövranın işemik pozulmalarına səbəb olan xroniki xəstəlikdir. Xəstəlik kəskinləşdikcə ağıl və intellekt zəifliyi artır. Belə xəstələr həkim nəzarətində olmalı, lazımi pəhriz və rejim təyin edilməlidir.

 

Bu barədə Aztibb.az-a Xətai Tibb Mərkəzinin həkim-nevroloqu Sevinc Abışova məlumat verib.

 

Onun sözlərinə görə, ateroskleroz damar divarına lipid və ya kalsium duzları çökməsi ilə əlaqədar yaranır və getdikcə damarın mənfəzi daralır. Nəticədə həmin damarın qidalandırdıgı nahiyyədə qanazlığı olur. Bu da beynin müxtəlif hissələrində nekroz, qliya ilə nəticələnir.

 

Nevroloq aterosklerozun əsas risk faktorlarına ahıl və qoca yaş dövrləri, kişi cinsi, papiros çəkmə, arterial hipertoniya, şəkərli diabet, lipid və xolesterin mübadiləsinin pozulması və plazmada fibrinogenin konsentrasiyasının yüksəlməsinin aid olduğunu deyib.

 

Sevinc Abışova qeyd edib ki, xəstəliyin əsas əlamətəri baş ağrısı, qulaqda səs-küy, başgicəllənmə, əsəbilik, əmək qabiliyyətinin enməsi, yuxu pozulması və s.-dir.