Azərbaycan Tibb Universitetinin (ATU) Tədris Cərrahiyyə Klinikasında 78 yaşlı pasiyent üzərində icbari sığorta sistemi ilə perkutan nefrolitotripsiya əməliyyatı icra olunub.

Bu barədə Aztibb.az-a ATU-dan məlumat verilib.

ATU-nun Urologiya kafedrasının baş laborantı Məmməd Məmmədov bildirib ki, bir ay öncə böyrəyinə stend taxılmış pasiyent sağ bel nahiyəsində ağrı, ürəkbulanma və qusma, 39 dərəcə qızdırma şikayətləri ilə Tədris Cərrahiyyə Klinikasına müraciət edib. Müayinə zamanı xəstənin sağ böyrəyinin ləyənində ölçüsü 3 sm civarında olan mərcanvari daş aşkarlanıb. Əməliyyat vasitəsilə böyrək daşlarının çıxarılmasına qərar verilib və 1 saata qədər davam edən əməliyyat nəticəsində xəstə daşlardan azad olunub.