Kliniki Tibbi Mərkəzdə icbari tibbi sığortanın yaratdığı imkanlar hesabına 34 yaşlı vətəndaş üzərində digital sinirlərin, vətərlərin bərpası mikrocərrahi əməliyyatı uğurla başa çatıb.

 

Mərkəzdən Aztibb.az-a verilən xəbərə görə, tibb müəssisəsində ilk mikrocərrahi əməliyyat olan damar, vətər, sinir bərpası əməliyyatı cərrah Kənan Quliyev tərəfindən yüksək dəqiqliklə icra olunub.

 

Həkim bildirib ki, fevralın 20-də iş qəzası nəticəsində sol əlin ovuc səthində kəsilmiş yara ilə Kliniki Tibbi Mərkəzə müraciət edən pasiyentə sol əlin 4-cü barmağın dərin və səthi bükücü vətərlərinin, 3-cü və 4-cü barmaqların digital sinir və arterlərin kəsilməsi diaqnozu qoyulub və ona təcili əməliyyat təyin edilib. 2 saat 40 dəqiqə davam edən əməliyyat uğurla nəticələnib. 

Kənan Quliyev qeyd edib ki, Klniki Tibbi Mərkəzdə mikrocərrahi əməliyyatlar zamanı "Zeiss" şirkətinə məxsus Tivato 700 mikroskopundan istifadə edilir. Cihaz sayəsində əməliyyatlar ən az xəsarətlərlə icra olunur.