Azərbaycan Ordusunun düşmənin təxribatlarına qarşı sentyabrın 27-dən başlatdığı uğurlu əks-hücum əməliyyatı xalqımıza böyük fərəh hissi yaşadır. Vətəndaşlarımız hərbi hissələrə gedərək, əsgərlərimizi ziyarət edir, onlara sovqat aparır və mənəvi dəstək olurlar.

Azərbaycan Tibb Universitetinin (ATU) Ortopedik stomatologiya kafedrasının kollektivi də Azərbaycanın ərazi bütövlüyü uğrunda döyüşən hərbçilərimizə baş çəkiblər. Əsgərlərimizə yardım məqsədi ilə topladıqları maddi vəsait hesabına aldıqları zəruri məişət ləvazimatlarını və isti geyimləri onlara pay veriblər.

Ortopedik stomatologiya fakültəsinin dekanı, dosent Səid Əhmədovun sözlərinə görə, əməkdaşlar əsgərlərə yardım üçün 4000 manata yaxın maddi vəsait toplayıblar.

Qeyd edək ki, Ortopedik stomatologiya fakültəsinin dekanı Səid Əhmədovla yanaşı, fakültənin HİK sədri Tofiq Mahmudov, Ortopedik stomatologiya kafedrasının tədris hissə müdiri Elmar Babayev, assistentləri Əli Əliyev və Rüfət Hüseynli hərbi hissəyə yardım aparıblar.