Mərkəzi Gömrük Hospitalında növbəti dəfə TAVİ əməliyyatı (kateter vasitəsilə ürək qapağinin protezləşdirilməsi) uğurla həyata keçirilib.

Hospitaldan Aztibb.az-a verilən xəbərə görə, əməliyyat Kardiologiya şöbəsinin müdiri, yandal uzmanı, invaziv kardioloq İlqar Tahiroğlu və invaziv kardioloq Şəhla Ağayeva tərəfindən icra olunub.

Yüksək şəkər və təzyiqlə, əvvəllər stent taxılmış, təngnəfəslik və boğulma şikayətləri ilə Hospitala daxil olmuş 75 yaşlı xəstədə anju zamanı ürək damarlarının və stentlərinin açıq olduğu, ürəyin aorta qapağında kritik darlıq olduğu müəyyən edilib. Beləliklə pasiyent üzərində TAVİ əməliyyatının icrasına qərar verilib.

Pasiyentin bud arteriyasından girilərək, heç bir kəsik aparılmadan və narkoz verilmədən TAVİ əməliyyatı icra olunub və yeni evolut 26 mm-lik aorta qapağı  yerləşdirilib.

Xəstənin təngnəfəsliyi və boğulması aradan qaldırılıb. O, əməliyyatdan 12 saat sonra gəzməyə başlayıb, 24 saat sonra isə evə buraxılıb.