Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən həkimlərimizi tanıtmaqda davam edir.
Rubrikada bu dəfə Mingəçevir Şəhər Mərkəzi Xəstəxanasının Ginekologiya-doğum şöbəsinin Yeni Doğulmuşların İntensiv Terapiya bölməsinin həkim-neonotoloqu Gülər Sadıqova haqqında məlumatları diqqətə çatdırırıq.
Gülər Sadıqova 1987-ci ildə Ağdam rayonunda anadan olub. 2004-2010-cu illərdə Azərbaycan Tibb Universitetinin Pediatriya fakültəsində təhsil alıb. 2010-2011-ci illərdə Mingəçevir Şəhər “Ana və Uşaq” Müalicə Sağlamlıq Mərkəzində internatura keçib.
O, 2011-ci ildə Mingəçevir Şəhər Ana və Uşaq MSM-da sahə-həkimi vəzifəsində əmək fəaliyyətinə başlayıb. 2015-2018-ci illərdə Poliklinika şöbəsində pediatr olaraq çalışıb. 2018-ci ildən etibarən Yeni Doğulmuşların İntensiv Terapiya bölməsində həkim-neonotoloq işləyir.
