Sumqayıt Tibb Mərkəzinin (STM) tabeliyində olan 1 nömrəli xəstəxanada laborator analizlərdəki yeniliklər və analizlərin rasional qaydada seçilməsinin təkmilləşdirilməsi məqsədilə növbəti seminar keçirilib.

STM-dən Aztibb.az-a verilən xəbərə görə, tibb müəssisələrinin ginekoloqlarının qatıldığı seminarda mütəxəssis, cərrah mama-ginekoloq Nigar Almədədova "Hamiləlik zamanı rutin laborator testlər" mövzusunda məruzə ilə çıxış edib. O, bu sahədə olan yenilikləri iştirakçıların diqqətinə çatdırıb.

Sonda mövzu ətrafında müzakirələr aparılıb, suallar cavablandırılıb.

Qeyd edək ki, seminarlar TƏBİB-in laboratoriya işçi qrupu, Sumqayıt Tibb Mərkəzi və AZKLMİB-in birgə təşkilatçılığı ilə keçirilir.