Onun sözlərinə görə, əgər əvvəllər getdiyiniz məsafəni qət edə bilmirsinizsə, yoxuşa qalxmaqda və pilləkənləri çıxmaqda çətinlik çəkirsinizsə, bunun səbəbi ürək çatışmazlığı (mitral qapaq xəstəliyi) ola bilər. Ürək çatışmazlığı ürəyimizin ehtiyac duyduğu qanı bədənimizə göndərə bilməməsidir. Ürəyin nasos gücünün azalması ilə ürək çatışmazlığı başlayır.

 

Həkim bildirib ki, ilk simptomlar nəfəs darlığı, yorğunluq, qarın və ayaqlarda şişkinlikdir. Sonrakı mərhələlərdə xəstələrdə gecə yuxu zamanı nəfəs darlığı olur, nəfəs ala bilməyərək yuxudan oyanırlar:

 

"Pilləkən çıxarkən, yaxud fiziki aktivlikdən sonra sinə nahiyəsində qeyd edilən əlamətlər yaranarsa, bir ürək müayinəsindən keçməyiniz məsləhətdir".