İnstitutdan Aztibb.az-a verilən xəbərə görə, tədbirdə müəssisənin direktoru t.ü.f.d.,dos Allahverdi Musayev, baş həkim, uzman-pediatr Azər Əhmədov, direktorun elmi işlər üzrə müavini, t.e.d., dos. Nailə Rəhimova, həkim əməkdaşlar və rezidentlər iştirak ediblər.

 

Seminarda həkim-rezident Rəhimə Səfərli "Yenidoğulmuşlarda tənəffüs problemləri" mövzusunda təqdimatla çıxış edib. O, xəstəliyin səbəbləri, simptomları, diaqnostikası və müalicəsindən danışıb.

 

“Tənəffüs çətinliyi sindromu ağciyərləri tam inkişaf etməmiş vaxtından əvvəl doğulmuş körpələrdə baş verir. Bəzi körpələrdə doğuşdan dərhal sonra bəzi tənəffüs problemləri yarana bilər. Körpə nə qədər tez doğulsa, körpənin tənəffüs çətinliyi və əlavə oksigenə ehtiyacı olma ehtimalı bir o qədər yüksəkdir”, - deyə həkim-rezident Rəhimə Səfərli bildirib.

 

Sonda mövzu ətrafında müzakirələr aparılıb və iştirakçıların sualları cavablandırılıb.