Bu il Azərbaycan Tibb Universitetində (ATU) ölkənin ilk təcili tibb təhsili üzrə kurasiya proqramı fəaliyyətə başlayacaq. Proqramın kurikulumunun hazırlanması üçün USAID/Azerbaijan-ın dəstəyi ilə keçirilən 3 günlük seminar başa çatıb.

 

Aztibb.az Ümumdünya Səhiyyə Təşkilatının Azərbaycan nümayəndəliyinə istinadla (ÜST) xəbər verir ki, seminarda səhiyyə nazirinin müavini Nadir Zeynalov, ÜST-nin ekspertləri, ATU-nun müxtəlif kafedralarından rəhbər nümayəndələr və təcili tibbi yardım xidmətləri üzrə seçilmiş həkim qrupunun üzvlərindən ibarət 33 ekspert 4 işçi qrupu tərkibində bacarıq əsaslı kurikulumun yaradılması üçün müzakirə aparıblar. Proqram ambulans və xəstəxanalarda yüksək səviyyəli təcili tibbi yardım üçün gərəkli insan resurslarını gücləndirməyə xidmət edəcək.