Aztibb.az-ın "Həkimlərimizi tanıyaq!" rubrikasında bu dəfə Göygöl Rayon Mərkəzi Xəstəxanasının Reanimasiya və intensiv terapiya şöbəsinin müdiri və anestezioloq-reanimatoloqu Nəzmi Musayevdən bəhs edəcəyik.

 

Nəzmi Əsgər oğlu Musayev 14 aprel 1968-ci ildə Ermənistan SSR- Basarkeçər rayonu Qoşabulaq kəndində anadan olub. 1985-1993-cü illərdə Azərbaycan Tibb Universitetində Müalicə işi fakültəsində təhsil alıb. 1993-cü ildə Gəncə şəhər 3 nömrəli Təxirəsalınmaz Təcili Tibbi Yardım Xəstəxanasının Reanimasiya və anesteziologiya şöbəsində internatura təhsili alıb.

 

O,  2003-2009-cü illərdə Gəncə şəhər 3 nömrəli Təxirəsalınmaz Təcili Tibbi Yardım Xəstəxanasında reanimatoloq və anestezioloq vəzifəsində çalışıb. 1993-cü ildən bugünədək Göygöl Rayon Mərkəzi Xəstəxanasında Reanimasiya və intensiv terapiya şöbəsinin müdiri vəzifəsində çalışır.