Böyrək çatışmazlığı olan xəstələr üçün qidalanma xüsusi əhəmiyyət daşıyır. Dializdən əvvəl və dializdən sonra xəstənin qidalanması bir-birindən fərqlənir və bu fərqin ən əsas məqamı duzdur.

 

Nefroloq bildirib ki, dializdən əvvəl zülallar məhdudlaşdırılmalı, dializdən sonra isə mümkün olduqca xəstəyə çox protein verilməlidir. Əzələ, yağ, enerji itkisi və iştahsızlığın qarşısını almaq üçün xəstə protein, yağ, karbohidratlardan ibarət balanslı qidalanmalıdır.

 

O, lazımsız vitaminlərin qəbuluna da diqqət çəkib. Qeyd edib ki, son zamanlar həm böyrək xəstələrində, həm sağlam insanlarda lazımsız vitamin qəbulu həvəsi artıb. İnsanlar virusa yoluxmamaq üçün qəbul etdikləri vitaminlərdən uzaq durmalıdırlar. Məsələn, C vitamini, dializdən əvvəl xəstələrdə yüksək dozada C vitamini oksalatı artırır. Bu da sağlam insanlarda böyrək daşlarının əmələ gəlməsinə yol açır. Dializdən sonra isə yumşaq toxumalarda kirəçlənməyə səbəb olur, damar divarlarına zərər verə bilər. Buna görə də normadan artıq C vitamini qəbul etməkdən uzaq durun.

 

"Adətən hamı düşünür ki, vitamindən zərər ola bilməz. Ancaq həkim təyin etmədikcə vitamin qəbul etməyin. Həmçinin yağda həll olunan A, D, E, K vitaminləri də həkimin təyini olmadan və yüksək dozada qəbul edilir. D vitamini də qanda səviyyəsini müəyyən etmədən qəbul edilməməli, çünki bu vitamin orqanizmdə yığılaraq toksik təsir göstərə bilər. K vitaminin də müxtəlif formaları mövcuddur, bəzi formaları faydalı ola bilər, digərləri zərərli. Dializdən sonra itirilən B vitaminləri də ehtiyac olarsa qəbul edilməlidir. Ehtiyac olmadan qəbul olunanda yumşaq toxumalara zərərli təsir göstərə bilər", - deyə Barat Yusubov bildirib.