Avropa İttifaqının maliyyə dəstəyi ilə 2020-ci ildən etibarən BMT-nin Əhali Fondu (UNFPA) tərəfindən “Avropa İttifaqı gender bərabərliyi naminə: gender stereotiplərinə və gender əsaslı zorakılığa qarşı” proqramı həyata keçirilir.

 

Üç il ərzində icra edilən fəaliyyətlərin nəticələrinin nəzərdən keçirilməsi, eləcə də növbəti mərhələnin planlaşdırılması məqsədilə proqramın yekun qiymətləndirilməsi baş tutur. Qiymətləndirmə missiyası müstəqil qiymətləndirmə qrupu tərəfindən aparılır.

 

Bu barədə Aztibb.az-a Səhiyyə Nazirliyi İctimai Səhiyyə və İslahatlar Mərkəzindən (İSİM) məlumat verilib.

 

Bildirilib ki, qiymətləndirmə qrupunun nümayəndələri xanım Meredit Braun və xanım Eşli Meycorun Azərbaycana səfəri başlayıb. Səfər çərçivəsində layihə ilə əməkdaşlıq etmiş dövlət qurumları, beynəxlaq təşkilatlar və vətəndaş cəmiyyəti institutlarının nümayəndləri ilə görüşlər təşkil edilir.

 

Növbəti görüş İSİM-də keçirilib. Mərkəzin direktoru Qəhrəman Haqverdiyev proqramın icrası barədə fikirlərini bildirərək, əməkdaşlığın əhəmiyyətini, layihənin müsbət töhfələrini qeyd edib.