Aztibb.az-ın "Həkimlərimizi tanıyaq!“ rubrikasının bu dəfəki qonağı Sumqayıt Tibb Mərkəzinin tabeliyində olan 2 nömrəli xəstəxananın Poliklinika şöbəsinin həkim-dermatovenereloqu Elməddin Əmrahovdur.

 

O, 1985-ci ildə Ağsu rayonunda anadan olub. 2008-2014-cü illərdə Azərbaycan Tibb Universitetinin (ATU) Müalicə işi fakültəsində təhsil alıb. 2015-2019-cu illərdə ATU-nun Dermatovenerologiya kafedrasında rezidentura oxuyub.

 

Elməddin Əmrahov 2016- ci ildə Gürcüstanın paytaxtı Tbilisi şəhərində "Fotodermatologiya və dəri xərçəngi" mövzusunda keçirilən II Beynəlxalq Transqafqaz konfransında, 2018-ci ildə Tbilisidə "Fotodermatologiya, Dermatoonkologiya və Dermatocərrahiyə" üzrə IV beynəlxalq konfransda iştirak edib. Həmçinin Azərbaycanda dermatovenerologiya üzrə 20-dən çox konfransın iştirakçısı olub.

 

Həkimin müxtəlif tibbi jurnal və dərgilərdə dermatovenerologiyanın fərqli problemləri üzrə 7 tezis, 3 məqaləsi nəşr olunub. O, Tibb Universitetinin tələbə və həkim-rezidentləri üçün nəzərdə tutulan "Dermatovenerologiya üzrə situasion məsələlər" adlı dərs vəsaitinin müəlliflərindən biridir.

 

2020-ci ildən Sumqayıt şəhər 2 nömrəli xəstəxananın Poliklinika (əvvəlki 4 nömrəli poliklinika) şöbəsində dermatoveneroloq vəzifəsində çalışır.