Türkiyəyə ezam olunmuş Azərbaycan Ordusunun hərbi tibb personalı Kahramanmaraşda fəaliyyətini davam etdirir, qardaş ölkədə zəlzələdən zərərçəkənləri müayinə edir, cərrahi əməliyyatlar həyata keçirir.

 

Aztibb.az xəbər verir ki, Türkiyəyə ezam olunmuş təcrübəli hərbi həkimlərimizdən biri də Nişanə Məmmədovadır.

 

Şəhid qızı olan Nişanə Məmmədova Tovuz rayonunun Düz Qırıqlı kəndindəndir. O, 44 günlük Vətən müharibəsinin arxa cəbhədəki ağxalatlı qəhrəmanlarındandır.

 

Nişanə Məmmədova ən çətin şəraitdə, ən çətin şərtlər altında xidmət göstərən fədakar həkimlərdəndir.