"Həkimlərimizi tanıyaq!" rubrikasının növbəti qonağı Mingəçevir Şəhər Mərkəzi Xəstəxanasının radioloqu Elçin Hacıyevdir.

 

O, 12 dekabr 1977-ci ildə Balakən rayonunda anadan olub. 1995-2001-ci illərdə Azərbaycan Tibb Universitetinin Müalicə-profilaktika fakültəsində təhsil alıb. 2001-2002-ci illərdə Bakı şəhəri 3 saylı Mərkəzi Xəstəxanada internatura keçib.

 

Elçin Hacıyev 2002-2005-ci illərdə Balakən rayonunun Talalar kənd xəstəxanasının baş həkimi vəzifəsində çalışıb. Eyni vaxtda 2002-2004-cü illərdə Azərbaycan Milli Ordusunda tibb xidməti Baş leytenantı olaraq həqiqi hərbi xidmət keçib. O, 2005-2015-ci illərdə "MediClub" klinikasının nümayəndəsi olaraq “Bakı-Tbilisi-Ceyhan” boru kəməri layihəsində Təcili Tibbi Yardım və Sənaye həkimi kimi çalışıb. Həmçinin 2011-2015-ci illərdə Azərbaycan Tibb Universitetində Şüa Dioqnostika üzrə rezident olub.

 

Həkim 2015-2016-cı illərdə Türkiyə Respublikasında Ondokuz Mayıs Universitetində Şüa diaqnostika ixtisası üzrə kurs keçib. 2016-2017-ci illərdə MediClub Şüa diaqnostika şöbəsində fəliyyət göstərib. 2017-ci ildən fəaliyyətini Mingəçevir ŞMX-da davam etdirən peşəkar radioloq Elçin Hacıyev hazırda Radiologiya şöbəsinin müdiri vəzifəsini icra edir.