Abort - uşaqlıq boşluğundan döl kisəsinin süni, yəni həkim tərəfindən müdaxilə edilərək hamiləliyin 4-12 həftə arası müddətində pozulmasıdır. Abortlar tibbi və sosial göstərişə əsasən cərrahi və medikamentoz yolla icra edilir.

 

Həkim bildirib ki, tibbi göstəriş ilə ananın estragenital xəstəlikləri, inkişafdan qalmış hamiləliklər, inkişaf qüsurları olan hamiləliklər sonlandırılır. Sosial göstəriş ilə isə ailə vəziyyətinin aşağı olması, nikahdan kənar hamiləlik, ailədə 5-dən çox uşağın olması, hamiləlik zamanı ərin vəfat etməsi kimi səbəblər olduqda icra edilir.

 

Onun sözlərinə görə, spontan abort özbaşına baş verən abortlar olur, bu da hormonal pozulmadan irəli gəlir.

 

"Arzuolunmayan hamiləliklərlə üz-üzə gəlməmək üçün qadınlara məsləhətimiz odur ki, mütləq qoruyucu vasitələrdən düzgün və səmərəli istifadə etsinlər. Öncə sağlamlığınızı qoruyun və gələcək körpələrimizi məhv etməyin", - deyə Leyla Cəfərova əlavə edib.