"Cəbrayıl Rayon Mərkəzi Xəstəxanası" Publik Hüquqi Şəxsin tabeliyindəki Ailə Sağlamlıq Mərkəzi 2022-ci il noyabrın 25-də fəaliyyətə başlayıb. Mərkəz 6 otaqdan ibarətdir. Tibb müəssisəsində Cəbrayıl Rayon Mərkəzi Xəstəxanasından ezam olunan 20 nəfər (tibb və qeyri-tibb) növbə əsasında xidmət göstərir. Hər növbədə həkim, tibb bacısı, sürücü, mühafizə və xadimə 24 saat fasiləsiz vətəndaşların xidmətindədir.
Bu barədə Aztibb.az-a TƏBİB-dən məlumat verilib.
Bildirilib ki, Mərkəzdə təcili və təxirəsalınmaz tibbi yardım xidməti təşkil edilib və ambulansla tam təchiz olunub. Tibb müsəəsisəsi USM və EKQ cihazları, dərman preparatları ilə təmin edilib.
Ailə Sağlamlıq Mərkəzinə fəaliyyətə başladığı gündən indiyə kimi 300-ə qədər müraciət qəbul olunub və tibbi xidmət göstərilib.
