İSİM-in Səhiyyə siyasəti və planlaşdırma şöbəsinin müdiri Nabil Seyidov təqdimatla çıxış edərək ölkəmizdə pasiyentyönümlü təcrübənin sübutlara əsaslanan məlumatlar üzərində qurulmasına diqqət yetirildiyini bildirib. O, Səhiyyə Nazirliyi və İSİM tərəfindən pasiyentyönümlü, idarəetməyə sistemli yanaşma, pasiyent təhlükəsizliyi, tibb işçilərinin daimi təkmilləşdirilməsi istiqamətində görülən işlər, o cümlədən əhali üçün təşkil olunan maarifləndirmə tədbirləri barədə geniş məlumat verib və bu görülən işlərin səhiyyə xidmətləri sistemində səmərəliliyinin artırılmasında rolunu vurğulayıb.

 

Sonra Qırğızıstan, Belarus, Qazaxıstan, Tacikistan dövlətlərinin səhiyyə mütəxəssisləri çıxış edərək, ölkələrində əhaliyə göstərilən tibbi xidmətin keyfiyyətinin daha da yüksəldilməsi istiqamətində tətbiq olunan pasiyentyönümlü yanaşmalar barədə məlumat veriblər.

 

Yekunda mövzu ətrafında müzakirələr aparılıb, müvafiq təklif və tövsiyələr səsləndirilib.