“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Zaqatala Rayon Mərkəzi Xəstəxanasının Muxax kənd həkim məntəqəsinin müdiri v.i.e. Sədi Məmmədov haqqında məlumatları təqdim edirik.
Sədi Möhsün oğlu Məmmədov 3 mart 1952-ci ildə Ermənistan SSR Amasiya rayonunun Yüllübuluq kəndində anadan olub. 1969-cu ildə Yüllübulaq kənd orta məktəbini bitirib, 1971-1973-cü illərdə Moskva vilayətində hərbi xidmətdə olub, hərbi hissənin göndərişi ilə Azərbaycan Tibb İnstitutunun Mamalıq şöbəsində kurs keçib və Azərbaycan Tibb İnstitutunun Pediatriya fakültəsinə daxil olub.
O, ATU-nu 1979-cu ildə bitirərək təyinatla Zaqatala Rayon Mərkəzi Xəstəxanasına göndərilib, 1981-1984-cü illərdə Muğanlı kənd həkim məntəqəsində pediatr, 1985-1987-ci illərdə Qandax kənd sahə məntəqəsində baş həkim vəzifələrində çalışıb. 1987-ci ildən Muxax kənd həkim məntəqəsinin müdiri vəzifəsini icra edir.