Türkiyənin Səhiyyə Naziri Fahrettin Koca ölkə Prezidenti Rəcəb Tayyib Ərdoğana yeni növ koronavirusa (COVID-19) qarşı yerli peyvənd hazırlanması üzrə tədqiqatlarda insan üzərində sınaqlara başlanılan üçüncü mərhələyə keçildiyi barədə məlumat verib.

"Türkiyədə COVID-19-a qarşı hazırlanan 13 peyvənddən biri olan, Erciyes Universiteti və Nazirlik tərəfindən dəstəklənən, Aykut Özdarendelin aylardır üzərində çalışdığı peyvəndin heyvanlar üzərində sınaqları müvəffəqiyyətlə tamamlanıb”, – deyə nazir vurğulayıb.

Aztibb.az medimagazin.com.tr-yə istinadla xəbər verir ki, F.Koca 19 transgen heyvan üzərində aparılan araşdırmada 10 heyvana virus yeridildiyini, 9 heyvan üçün isə nəzarət qrupu yaradıldığını bildirib. Nəzarət qrupundakı 9 heyvanın peyvənd olunmadığını söyləyən nazir iki həftə sonra, hər iki qrupdan peyvənd olunan 10 heyvanın virus yeridildiyi halda ölümlə nəticələnmədiyini və ağciyərlərində virus aşkarlanmadığını qeyd edib.

O, nəzarət qrupunda olan, peyvənd olunmayan 9 transgen heyvandan 4-nün öldüyünü, 5-nin ağciyərində virus aşkarlandığını diqqətə çatdırıb.