Türkiyə Sümük-Oynaq Cərrahiyyəsi Cəmiyyətinin rəhbəri, professor Vedat Şahin Səhiyyə Nazirliyinin Elmi-Tədqiqat Travmatologiya və Ortopediya İnstitutunda (ETTOİ) olub.

Səhiyyə Nazirliyindən Aztibb.az-a bildirilib ki, görüş zamanı qarşılıqlı əməkdaşlıq, birgə elmi araşdırmaların aparılması və kadr mübadiləsi ətrafında müzakirələr aparılıb.

Toplantıda iştirak edən səhiyyə nazirinin müavini İlqar Qasımov Vətən müharibəsi günlərində edilən hərtərəfli dəstəyə görə Türkiyənin ortopediya və travmatalogiya heyətinə təşəkkürünü bildirib.

Görüşdə 441 müəllif tərəfindən yazılan və professor Vedat Şahin tərəfindən nəşr edilən "Travmatalogiya və Ortopediyanın əsasları haqqında" 3 cildlik tədris kitabı İnstituta hədiyyə edilib.

Sonda qonaqlar ETTOİ-nin əməliyyatxana bloku, Artroplastika və artoskopiya şöbəsi ilə tanış olublar.