İ.M.Seçenov adına Birinci Moskva Dövlət Tibb Universitetinin Bakı filialının 4-cü kurs tələbələri Mərkəzi Gömrük Hospitalında tədris proqramı çərçivəsində “Spirometriya” müayinəsini izləyiblər.
Mərkəzi Gömrük Hospitalından Aztibb.az-a bildirilib ki, terapevt Xumar Novruzova tələbələrə “Spirometriya” müayinəsinin aparılmasını və müayinənin nəticələrini izah edib. Xumar həkim qeyd edib ki, pasiyentdə uzunmüddətlı öskürək, boğulma və təngnəfəslık şikayətləri varsa, ona Spirometriya müayinəsınin aparılması məsləhətdır.
Daha sonra Xumar Novruzova bu müayinə növü ilə bağlı tələbələrin suallarını cavablandırıb.
Qeyd edək ki, Spirometriya – tənəffüs hərəkətini müəyyən edən funksional testdir. Test ağ ciyərlərin funksiyasını, həyat tutumunu təyin edir. Spirometriya vasitəsilə tənəffüs yollarının keçiriciliyi, hava axını sürətinin məhdudlaşması yoxlanılır. Qısa müddətdə, qeyri-invaziv, ağrısız, asan başa gələn üsuldur, sadəcə nəfəs alıb verməklə və üfürməklə həyata keçirilir.