İnfeksion endokardit - daxili ürək səthi olan endokardın və ona bitişik damarların, habelə ürək qapaqlarının infeksiyası və ya iltihabıdır.

Aztibb.az xəbər verir ki, bu barədə Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev məlumat verib.

Həkim endokarditin səbəb olduğu şikayətləri sadalayıb:
hərarət, tərləmə
ümumi zəiflik, yorğunluq
sinədə ağrı, taxikardiya
bədən çəkisinin azalması

quru dəri və retinaya qanaxma

Onun sözlərinə görə, müalicə - antibiotik terapiyası, mexanik ağırlaşmalar zamanı isə cərrahi müdaxilədən ibarətdir. Ürək çatışmazlığı yaradan və ölümlə nəticələnə bilən infektiv endokarditdə müalicə effektiv deyil və mütləq əməliyyat olunmalıdırlar. Həmçinin ürək çatışmazlığı olan xəstələr, emboliya riski olan xəstələr və nəzarətsiz infeksiyası olan xəstələr (daimi infeksiya, təkrarlanan qapaq endokarditi, abses, anevrizma, fistula) - əməliyyata göstərişdir.

"İnfektiv endokarditin cərrahi müalicəsi qapağın təmiri və ya dəyişdirilməsindən ibarətdir. Qapaq dəyişimi döş sümüyü açılmadan kiçik kəsik ilə icra olunur", - deyə Cabir Gülmalıyev bildirib.