“Həkimlərimizi tanıyaq!” rubrikamızda Sizlərə hər bir pasiyentə individual yanaşan qayğıkeş həkim, fizioterapevt-reabilitoloq Afət Çəndirlini təqdim edirik.

Afət Çəndirli 1995-ci ildə Azərbaycan Tibb Universitetinin Müalicə-profilaktika fakültəsini bitirib, 1995-1996-cı illərdə Bakı şəhər 3 nömrəli Klinik Xəstəxanasında internatura keçib.

Əmək fəaliyyətinə 1998-ci ildə başlayan həkim 2004-2005-ci illərdə Səudiyyə Ərəbistanının Al-Jouf Hospitalında, 2011-2013-cü illərdə Azərbaycan dövlət tibb müəssisələrində fizioterapevt-reabilitoloq çalışıb. O, 2015-ci ildən Mərkəzi Gömrük Hospitalında fizioterapevt-reabilitoloq işləyir.

Afət Çəndirli Mərkəzi Gömrük Hospitalında elektroforez, elektrostimulyasiya, impuls tokları ilə müalicə, fonoforez, mikrodalğa, limfodrenaj, zərbə dalğa terapiyası, lazer müalicəsi, traksion dartma, darvanval, vakuum ilə müalicə, parafinlə müalicə, naftalanla müalicə, maqnitoterapiya, masaj, müalicəvi idman və trenajorlar, triqer nöqtələrinin neyrostimulyasiyası, kinezioteypinq kimi müalicə metodlarından istifadə etməklə reabilitasiya mərhələsində olan xəstələrin müalicəsini həyata keçirir.

O, 2004-2005-ci illərdə Səudiyyə Ərəbistanında fizioterapiya üzrə təlimdə, 2012-ci ildə Avstriyanın Vyana şəhərində Donaşpital reabilitision klinikasında Fizioterapiya və bərpa üzrə təlim kursunda, 2015-ci ildə Avstriyanın Zalsburq şəhərində Fizioterapiya ve rebialitasiya kursunda, 2018-ci ildə Türkiyənin Antalya şəhərində Fizioterapiya üzrə konqresdə, yenə həmin ildə Türkiyənin Sivas şəhərində Reabilitasiya üzrə konqresdə iştirak edib.

Həkim barədə daha ətraflı məlumat almaq üçün bu linkə daxil ola bilərsiniz.