Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən “Yeni klinika” tibb müəssisəsində ilk tibbi seminar keçirilib.
“Yeni klinika”-dan Aztibb.az-a bildirilib ki, tibb müəssisəsinin direktoru vəzifəsini icra edən baş həkim Cavid Paşayevin iştirakı ilə baş tutan tibbi seminarda klinikanın həkim heyəti iştirak edib.
Beynəlxalq terminologiyada ürəyin qapalı masajı CPR (Cardiopulmonary Resuscitation – ürək-ağciyər reanimasiyası) mövzusuna həsr olunan seminarda çıxış edən “Yeni klinika”nın Təcili və Təxirə salınmaz Tibbi Yardım şöbəsinin müdiri Nicat Nəcəfov “CPR'da tətbiq olunan son protokol”, “CPR-ın sonlandırma kriteriyaları”nın önəmini vurğulayıb.
Qeyd edək ki, ayda iki dəfə keçirilməsi nəzərdə tutulan seminarın təşkil olunmasında əsas məqsəd tibbin ən vacib mövzularında araşdırmalar edərək qarşılıqlı fikir mübadiləsinin aparılmasıdır.