Öskürəyin səbəbini bilmədən onu müstəqil müalicə etmək cəhdləri səhvdir.

Aztibb.az medikforum.ru-ya istinadla xəbər verir ki, bu barədə terapevt Nadejda Çernışova bildirib.

Həkim-terapevt N.Çernışovanın sözlərinə görə, öskürəyin özünümüalicəsində əsas yanlış onun müxtəlif patologiyalar tərəfindən əmələ gəldiyini nəzərə almamaqdır.

"Əsas səhv sizi narahat edən öskürəyin səbəblərini bilmədən, diaqnoz qoyulmadan onun sərbəst müalicəsidir", – həkim bildirib.

N. Çernışova əlavə edib ki, təzyiqi aşağı salmaq üçün istifadə olunan preparatların qəbulu da öskürəyin yaranmasına gətirib çıxara bilər.

"Həmçinin öskürək ürək çatışmazlığı, allergiya, orqanizmdə viruslar və ya ağciyərlərin iltihabı zamanı meydana çıxır, ", - deyə terapevt qeyd edib.

Həkim bildirib ki, öskürək vaxtı insanlar bəlğəmgətirici vasitələr və ya öskürək refleksini kəsən dərmanlar qəbul etməyə başlayır. Lakin öskürəyin səbəbi müəyyən edilmədikdə bu dərmanların istifadəsi heç bir əhəmiyyət kəsb etmir. Bundan başqa, öskürək zamanı müstəqil qəbul edilən preparatlar zamanla təhlükəli ağırlaşmalara da səbəb ola bilər.