PAP-SMEAR testi (Papanicolau Smear Test), uşaqlıq boynu xərçənginin erkən mərhələdə aşkar olunması üçün istifadə olunan bir müayinə üsuludur.

Aztibb.az-ın xəbərinə görə, bu test vaginal və servikal kanalda patoloji proses törədən hüceyrələri təyin etmək məqsədilə istifadə edilir.

Qadınlar üçün xərçəngönü dəyişikliklər və ya erkən mərhələdə servikal xərçənginə diaqnoz qoymaq üçün təkrar təyin edilən araşdırma testidir. Uşaqlıq boynu xərçənginə görə skrininq ənənəvi və ya maye-əsaslı PAP-SMEAR testi ilə aparıla bilər.

Ənənəvi PAP-SMEAR testi uşaqlıq yolu və uşaqlıq boynundan xüsusi fırça ilə götürülmüş və laborator əşya şüşəsinə yerləşdirilərək kimyəvi fiksasiya olunmuş hüceyrələrin müayinəsindən ibarətdir.