Binəqədi Tibb Mərkəzində Yeni Azərbaycan Partiyasına (YAP) yeni üzv olan əməkdaşlara vəsiqələr təqdim edilib

Mərkəzdən Aztibb.az-a verilən xəbərə görə, tədbiri giriş nitqi ilə açan Binəqədi Tibb Mərkəzinin direktoru Əsədulla Sultanov əsasını Ulu Öndər Heydər Əliyev qoyduğu Yeni Azərbaycan Partiyasının bu gün ölkəmizin ictimai-siyasi həyatının bütün sferalarında uğurla təmsil olunduğunu qeyd edib. Bildirib ki, Ümummilli Lider Yeni Azərbaycan Partiyasını dünənin, bu günün və gələcəyin partiyası kimi dəyərləndirib. Yeni Azərbaycan Partiyası Heydər Əliyevin siyasi kursunu uğurla davam etdirən Prezident İlham Əliyevin sədrliyi ilə partiyaya 800 minə yaxın üzvün birləşməsi Heydər Əliyev ideyalarına sədaqətin və sevginin bariz nümunəsidir.

Daha sonra Əsədulla Sultanov Yeni Azərbaycan Partiyasına yeni üzv olan əməkdaşlarımızın vəsiqələrini təqdim edib.