Açarların hara qoyulduğunu unutmaq və ya sözləri xatırlamamaq adətən yaşlanma prosesinin normal bir hissəsidir.

Əslində, yaddaş zəifliyi olduqca geniş müşahidə olunan haldır, çünki orqanizm yaşlandıqca beyin bir çox dəyişikliklərə məruz qalır.

Yaddaş itkisinin daha ciddi səbəbi olması ehtimalı həmişə var, bu da həkimə müraciət etmək üçün səbəbdir. Ancaq cüzi koqnitiv dəyişikliklər yaşanırsa, kömək etmək üçün gündəlik qida rasionunda bəzi dəyişikliklər etmək olar.

Aztibb.az xarici tibbi mənbələrə istinadən xəbər verir ki, amerikalı diyetoloq Emi Qudson beynin fəaliyyətini gücləndirən və yaddaşı yaxşılaşdıran içkilərin adını açıqlayıb.

Mütəxəssisin fikrincə, yaşa bağlı yaddaş pozulması ilə mübarizə aparmaq üçün qəhvə və yaşıl çay qəbulu faydalıdır.

Onun sözlərinə görə, bu içkilər zehni geriləmədən qoruya, həmçinin Altsheymer və Parkinson xəstəlikləri riskini azalda bilən polifenollar və antioksidantlarla zəngindir.

E. Qudson nar şirəsinin də son dərəcə faydalı olduğunu bildirib. O, qeyd edib ki, bəzi hallarda bu içki yaşıl çaydan dörd qat daha çox antioksidant ehtiva edə bilər.

"Nar həm də güclü iltihabəleyhinə xüsusiyyətlərə malikdir, buna görə də, bədəndə xroniki iltihabı azaltmağa kömək edir", - deyə o, bildirib.