Aztibb.az-ın “Həkimlərimizi tanıyaq!” rubrikasında Sizlərə pasiyentlərə böyük qayğı ilə yanaşan Binəqədi Tibb Mərkəzinin həkim-cərrahı Məhəmməd Nəciyevi təqdim edirik.
M.Nəciyev 8 may 1966-cı ildə Cəbrayıl rayonunda anadan olub. 1986-1993-ci illərdə Rusiya Federasiyasının Kursk şəhərində yerləşən Kursk Dövlət Tibb Universitetinin Müalicə işi fakültəsində təhsil alıb. 1994-1995-ci illərdə Kursk Dövlət Tibb Universitetində kliniki-internatura oxuyub.
O, 1994-2000-ci illərdə Rusiya Federasiyası Kursk rayon Mərkəzi Xəstəxanasında, 2000-2018-ci illərdə Binəqədi Tibb Mərkəzində həkim-cərrah vəzifəsində çalışıb. 2018-2021-ci illərdə Bakı şəhərindəki özəl klinikalarda fəaliyyət göstərib. 2021-ci ilin avqust ayından Binəqədi Tibb Mərkəzində həkim-cərrah işləyir.
