Bu gün Tərtər Rayon Mərkəzi Xəstəxanasının həkim briqadası rayonun Seydimli kəndində səyyar qəbulda olub.

 

Bu barədə Aztibb.az-a Xəstəxanadan bildirilib.

 

Qeyd olunub ki, Tərtər RMX-na gəlməkdə maddi və fiziki çətinliyi olan xəstələr yerindəcə tibbi müayinə olunaraq müalicəyə cəlb edilib. Həkim briqadasının tərkibində terapevt, pediatr, mama-ginikoloq, laborant şüa-diaqnostika və başqa ixtisas həkimləri var.

 

Səyyar qəbul zamanı 8-i hamilə qadın olmaqla 16 nəfər şüa-diaqnostika, 8 nəfər ginekoloq, 7 nəfər qan analizi, 5 nəfər isə terapevt tərəfindən müayinə olunublar.