Norveçin Oslo Universitetinin alimlərinin apardıqları araşdırmaya görə, artıq çəkinin qocalıqda sınıqlarla mübarizə riskini artırdığı məlum olub.

Aztibb.az-ın istinadla verdiyi məlumata görə, mütəxəssislər 30 il əvvəl artıq çəkili insanların 20 il sonra zəiflik əlamətlərindən əziyyət çəkmə ehtimalının normal bədən kütləsi indeksinə (BMI) sahib olanlara nisbətən təxminən 2,5 dəfə çox olduğunu müəyyən ediblər.

1974-2016-cı illərdə aparılan araşdırmada Norveçdə yaşı 45 və yuxarı olan 4500 iştirakçının məlumatından istifadə edilib. Bədən kütləsi indeksi 18,5-dən aşağı olanlar az çəkili, 18,5-24,9 arası normal, 25-29,9 arası artıq çəkili, 30-dan yuxarı olanlar isə piylənmə kimi təsnif edilib.

Tədqiqatçıların fikrincə, yağ hüceyrələrinin iltihab qabiliyyətinin artması və onların əzələ hüceyrələrinə sızması qocalıqda sınıq riskini artırır.