Sumqayıt Tibb Mərkəzinin (STM) tabeliyində olan Uşaq Xəstəxanasında simulyasion avadanlıqla endoskopik cərrahiyyə üzrə təlimlərə start verilib.

 

STM-dən Aztibb.az-a bildirilib ki, təlimin ilk günündə Sumqayıt Tibb Mərkəzinin direktoru Səkinə Sadıxova, Mərkəzin direktor müavini, İlkin səhiyyə xidmətinin rəhbəri İlkin Namazov çıxış edərək tibbi heyətə uğurlar arzulayıblar. Onlar bu kimi təlimlərin ixtisaslı həkimlərin bilik və bacarıqlarının artırılması baxımından önəmini vurğulayıblar.

 

Təlimdə Sumqayıt Tibb Mərkəzinin cərrahları Yetkin Əliyev, Məhyəddin Aydəmirov, Mansur Mansurov və Vilayət Xudiyev də iştirak ediblər.

 

Təlim "Karl Storz" tibbi avadanlıq istehsalçısının Azərbaycan Respublikasında nümayəndəliyinin direktoru Taley Bəşirov tərəfindən keçirilir. İştirakçılara simulyasiyon avadanlıqlardan düzgün istifadə rəftarı və texniki laproskopiya vərdişləri öyrədilir.