Hər kəsə məlum olan "xalq metodu" hesab olunan oksolin məlhəmindən soyuqdəyməyə qarşı profilaktik məqsədlə geniş istifadə olunur. Onun burun dəliklərinə çəkilməsi ilə virusdan qorunmaq mümkündür.

Aztibb.az medikforum.ru-ya istinadla xəbər verir ki, Moskva klinikalarından birinin həkim-terapevti Tatyana Romanenko oksolinin koronavirusla mübarizədə effektivliyi barədə danışıb.

Həkim bu məlhəmin koronavirusun orqanizmə daxil olmasının qarşısını almaqda roluna skeptik yanaşıb. Ekspert xatırladıb ki, antibakterial fəallığa malik olan oksolin turşusundan fərqli olaraq  məlhəmin tərkibində tamamilə başqa maddə - oksolin mövcuddur. Bu maddənin viruslara qarşı müsbət təsirinə dair hər hansı elmi sübut mövcud deyil, - deyə Romanenko bildirib.

O, qeyd edib ki, məlhəmdən istifadə həmçinin neqativ nəticələrə də səbəb ola bilər:

"Həkim-otorinolarinqoloqların fikrincə, yağlı məlhəmi burnun selikli qişasına çəkdikdə o, epitelinin və burundakı qoruyucu mexanizmlərin işini çətinləşdirir".