Onun sözlərinə görə, Bypass, ürək əzələsini qan və oksigen ilə təmin edən damarların tıxanması və ya funksiyasını kifayət qədər yaxşı yerinə yetirməməsi, nəticədə ürək əzələsinin əziyyət çəkməsi halında icra olunur. Bypass - döyünən ürəklə, süni qan dövranı aparatına qoşulmadan, minimal invaziv metodlarla həyata keçirilir.

 

Cabir Gülmalıyev Bypass əməliyyatının nə vaxt edilməli olduğunu da açıqlayıb:

Ballon angioplastika əməliyyatının mümkün olmadığı hallarda;

Birdən çox koronar damarın əməliyyatsız metodlarla (balon-stent) açıla bilmədiyi vəziyyətlərdə;

Bir və ya daha çox koronar damarın daha öncə əməliyyatsız metodlarla açılmış olmaqla birlikdə yenidən tıxandığı vəziyyətlərdə;

Ürək qapaq əməliyyatı lazım olan vəziyyətlərdə bir və ya daha çox koronar arteriyanın problemli olduğu vəziyyətlərdə edilməsi gərəklidir.

 

"Əgər Koronar Bypass əməliyyatı yerinə alternativ digər metod icra etmək mümkün olarsa, həkim bu barədə xəstəni məlumatlandırmalıdır", - deyə o, əlavə edib.