“Medic School Training Center” və Qəbələ Rayon Mərkəzi Xəstəxanası tərəfindən xəstəxananın həkim və orta tibb heyəti üçün “Tənəffüs və ürək dayanmalarda təməl həyata dəstək” tədbirləri üzrə BLS təlimi keçirilib.

 

Qəbələ Rayon Mərkəzi Xəstəxanasından Aztibb.az-a bildirilib ki, təlimdə körpələrdə və böyüklərdə huşun qiymətləndirilməsi, ürək dayanmalarında CPR (ürək ağciyər reanimasiya) tədbirləri, AED (avtomatik xarici defibrilyator) cihazından istifadə qaydaları, tənəffüs dayanmalarında ilkin müdaxilələr, döş ağrıların idarə olunması və s. mövzular üzrə iştirakçılara ətraflı məlumat verilib.

 

Təlimin məqsədi tibb işçilərinin bilik və bacarıqlarının təkmilləşdirilməsi olub. İştirakçılar tərəfindən maraqla qarşılanan təlimdə ən müasir tibbi avadanlıqlardan istifadə olunub.