Alimlər yumşaq toxuma xərçənginə səbəb olan genləri müəyyən ediblər. 

Avstraliyalı alimlər uşaqlarda ən çox yayılmış xərçəng növlərindən biri olan yumşaq toxuma xərçənginə (sarkomaya) səbəb olan əsas genləri aşkarlayıblar. 

Aztibb.az cumhuriyet.com-a istinadən xəbər verir ki, “Science” jurnalında dərc edilən araşdırmaya görə, yumşaq toxuma xərçəngi olan hər 14 nəfərdən birində bu növ xərçəngin niyə meydana gəldiyini izah edən gen xəritəsi var. 

Sidney şəhərindəki Qarvan İnstitutunda genetik xərçəng riski üzrə tədqiqatçı Mendi Ballinger bildirib ki, bu tədqiqatın nəticələri çox vacibdir, çünki yumşaq toxuma xərçənginin necə inkişaf etdiyini anlayaraq, biz xəstəliyi daha erkən aşkarlamaq və daha yaxşı müalicələr üçün əsas mərhələni keçmişik. 

Yumşaq toxuma xərçəngi sümük, əzələ, yağ və qığırdaq da daxil olmaqla bədənin birləşdirici toxumasında başlayır. Bu növ xərçəng 20 yaşdan aşağı insanlarda diaqnoz qoyulan xərçəng növlərinin təxminən 20 faizini təşkil edir.